7 EXPOSICIÓNS 7 CIDADES | Colección de Arte Afundación
7 EXPOSICIÓNS 7 CIDADES
Colección de Arte Afundación
Co gallo de cumprirmos 10 anos de traxectoria, desde Afundación, Obra Social ABANCA, preparamos para ti unha gran festa creativa nas principais cidades galegas. Presentámosche SIMULTÁNEA, unha macroexposición centrada na Colección de Arte
Afundación, que podes gozar a un tempo nas nosas sedes da Coruña, Ferrol, Lugo, Ourense, Pontevedra, Santiago de Compostela e Vigo.
Ven celebrar con nós as múltiples caras da Colección cun total de trescentas cincuenta obras,
entre fotografía, pintura, escultura, videoarte e instalación,douscentas autorías do século XIX á actualidade.
Queres saber cales son as exposicións que podes atopar en cada un dos nosos espazos culturais? Mira a seguir…
PASAPORTE
SIMULTÁNEA
Pide o teu pasaporte, visita polo menos 3 das nosas exposicións e participa no sorteo. Descubre a arte e a tradición galega en cada unha das nosas sedes!.
A Colección
A Colección de Arte Afundación conta con máis de cinco mil obras que a fan erixirse como a máis importante colección de arte contemporánea galega. Os seus fondos acollen todas as etapas esenciais da arte en Galicia desde o século XIX ata os nosos días, ademais de pezas significativas da creación española e portuguesa. No ano 2015, dada a súa importancia como patrimonio artístico, foi declarada Ben de Interese Cultural pola Xunta de Galicia, reafirmando así a súa importancia como mostra da identidade creativa da comunidade.
descarga o
catálogo
Descarga agora de balde o Extracto do catálogo Simultánea. Non o perdas! Lembra que podes mercar o catálogo completo impreso na nosa tenda online.
Escolares
Desde o noso servizo educativo argallamos unha chea de contidos para que todas e todos os escolares de Galicia sexan parte desta festa creativa. Desde Infantil a Primaria ou bacharelato e CF poderán interactuar coa Colección de Arte Afundación e con cada unha das mostras do proxecto a través de obradoiros e visitas moi interesantes, adaptados a cada idade. Un completo abanico de artistas, diferentes linguaxes creativas, historia, arte e outros eidos do coñecemento vanse dar cita neste divertido programa de actividades.
Coñeces o noso programa solidario? Cultura por Alimentos, en colaboración coa Federación Española de Bancos de Alimentos FESBAL, tamén forma parte das sete exposicións de SIMULTÁNEA. Convidámoste a colaborares cos bancos de alimentos locais, accedendo a estas mostras e ás súas actividades paralelas cunha doazón de alimentos non perecedoiros. Grazas pola túa axuda!
A ilusión compartida que nos move.